TOPIK II Intermediate Level - Lesson 7

Welcome to SL-NOTEBOOK! In this lesson, we explore essential Korean grammars. Whether you are studying for the TOPIK exam or improving your conversational Korean, this guide will help you perfectly.

V-았다가/었다가

මෙම ව්‍යාකරණ රටාව භාවිතා කරන්නේ යම් ක්‍රියාවක් සම්පූර්ණයෙන්ම අවසන් කළාට පසුව, ඊට හාත්පසින්ම වෙනස් හෝ විරුද්ධ ක්‍රියාවක් (Opposite action) කළ බව පැවසීමටයි. බොහෝ විට පළමු ක්‍රියාවේ ප්‍රතිඵලය වෙනස් වීමක් මෙයින් අදහස් කෙරේ.
"...කරලා ඉවරවෙලා (ආයෙත් වෙනස් දෙයක් කළා)" / "...ගිහින් (ආපහු ආවා)"

• 가다 → 갔다가 (ගිහිල්ලා)

• 먹다 → 먹었다가 (කාලා)

• 하다 → 했다가 (කරලා)

코트를 입었다가 더워서 다시 벗었어요.
කෝට් එක ඇඳලා (ඉවර වෙලා), රස්නේ නිසා ආයෙත් ගැලෙව්වා.

V-다가 VS V-았/었다가

මේ ව්‍යාකරණ රටා දෙකේ පැහැදිලි වෙනසක් තිබේ.

V-다가 (කරමින් ඉන්න ගමන්):
පළමු ක්‍රියාව අවසන් වීමට පෙර (මැදදී) වෙනත් ක්‍රියාවක් ආරම්භ වීම.
• 학교에 가다가 친구를 만났어요. (ඉස්කෝලෙට යන ගමන් - පාරේදී යාළුවා හමුවුණා).

V-았/었다가 (කරලා ඉවර වෙලා):
පළමු ක්‍රියාව සම්පූර්ණයෙන්ම අවසන් වූ පසු වෙනත් දෙයක් වීම.
• 학교에 갔다가 친구를 만났어요. (ඉස්කෝලෙට ගිහිල්ලා - ඉස්කෝලේ ඇතුළෙදී යාළුවා හමුවුණා).

A–(으)ㄴ데도, V-는데도, N인데도

මෙම ව්‍යාකරණ රටාව භාවිතා කරන්නේ "යම් තත්වයක් පැවතුණත්, ඊට හාත්පසින්ම වෙනස් හෝ බලාපොරොත්තු නොවූ ප්‍රතිඵලයක් ඇති වූ බව" ප්‍රකාශ කිරීමටයි.
"...වුණත්" / "...වෙලත් (ඒත්)"

-아/어도 (වුණත්) යන්නට ඉතා සමාන අදහසක් ලබා දෙන අතර, ඊට වඩා වැඩි අවධාරණයක් මෙයින් ලබා දෙයි.

ක්‍රියා පද: හල් අකුරක් (받침) තිබුණත් නැතත් ක්‍රියා පදයේ මූලික රූපයට කෙලින්ම -는데도 එකතු වේ.

• 가다 → 가는데도 (ගියත් / යනවා වුණත්)

• 먹다 → 먹는데도 (කෑවත් / කනවා වුණත්)

• 운동하다 → 운동하는데도 (ව්‍යායාම කළත්)

---

නාම විශේෂණ:

• (받침 X) → -ㄴ데도 : 바쁘다 → 바쁜데도 (කාර්යබහුල වුණත්)

• (받침 O) → -은데도 : 많다 → 많은데도 (ගොඩක් තිබුණත්)

---

නාම පද: හල් අකුරක් තිබුණත් නැතත් කෙලින්ම -인데도 එකතු වේ.

• 주말 → 주말인데도 (සතිඅන්තය වුණත්)

• 학생 → 학생인데도 (ශිෂ්‍යයෙක් වුණත්)

අතීත කාලය සමඟ → -았/었는데도
ක්‍රියා පද සහ විශේෂණ පද දෙකටම අතීත කාලයේදී එකම නීතිය යෙදේ.
• 밥을 먹었는데도 (බත් කෑවත්)
• 많이 잤는데도 (ගොඩක් නිදාගත්තත්)

매일 열심히 운동하는데도 살이 안 빠져요.
හැමදාම මහන්සි වෙලා ව්‍යායාම කළත්, කෙට්ටු වෙන්නේ නැහැ (බර අඩු වෙන්නේ නැහැ).

-(으)ㄴ/는데 සහ -(으)ㄴ/는데도 අතර වෙනස

• 비가 오는데 우산이 없어요.
(වැස්ස වහිනවා, ඒ නිසා මට කුඩයක් නැහැ - සාමාන්‍ය පසුබිම් තොරතුරක්).

• 비가 오는데도 우산 없이 나갔어요.
(වැස්ස වහිනවා වුණත්, කුඩයක් නැතිව එළියට ගියා - බලාපොරොත්තු නොවූ ප්‍රතිඵලයක් / පුදුමයක් අවධාරණය කරයි).

A/V – 더니

මෙම ව්‍යාකරණ රටාව භාවිතා කරන්නේ අතීතයේදී තමන් පෞද්ගලිකව දැකපු, අහපු හෝ අත්දැකපු දෙයක්, වර්තමානයේ සිදුවන දෙයක් සමඟ සංසන්දනය කිරීමට හෝ එහි ප්‍රතිඵලයක් පෙන්වීමටයි.
"(මම දැක්කා) අතීතයේ මෙහෙම වුණා, ඒත් දැන් / ඒකේ ප්‍රතිඵලයක් විදිහට දැන්..."

මෙහි අඩංගු වන 더 අකුරෙන් "අතීතයේ තමන්ගේ නිරීක්ෂණයක්/අත්දැකීමක්" අදහස් වන අතර, 니(까) යන්නෙන් හේතුවක් හෝ පසුබිමක් පෙන්වයි.

හල් අකුරක් (받침) තිබුණත් නැතත් නීතිය එකම වේ. මෙහිදී පළමු කොටසට අතීත කාලය (았/었) යොදන්නේ නැත. මූලික රූපයටම -더니 එකතු කරයි.

• 가다 → 가더니 (යනවා මම දැක්කා...)

• 많다 → 많더니 (ගොඩක් තියෙනවා මම දැක්කා...)

• 공부하다 → 공부하더니 (පාඩම් කරනවා මම දැක්කා...)

• 학생 → 학생이더니

මෙය ප්‍රධාන අවස්ථා දෙකකදි භාවිතා වේ.

1. වෙනසක් පෙන්වීම
අතීතයේ තමන් අත්දැකපු තත්වයට වඩා වර්තමානයේ තත්වය සම්පූර්ණයෙන්ම වෙනස් වූ විට මෙය භාවිතා කරයි.
• 아침에는 대구 날씨가 춥더니 지금은 아주 따뜻하네요.
උදේ දේගු වල කාලගුණය සීතලව තිබුණා මම දැක්කා (මට දැනුණා), ඒත් දැන් ගොඩක් උණුසුම්.

2. හේතුව සහ ප්‍රතිඵලය පෙන්වීම
අතීතයේ වෙනත් කෙනෙක් යම් දෙයක් දිගටම කරනවා තමන් දැකපු අතර, වර්තමානයේ ඒ හේතුව නිසා යම් ප්‍රතිඵලයක් ලැබී ඇති විට.
• 수진 씨가 열심히 공부하더니 토픽 6급에 합격했어요.
සුජින් මහන්සිවෙලා පාඩම් කරනවා මම දැක්කා, (ඒකේ ප්‍රතිඵලයක් විදිහට) දැන් TOPIK 6 මට්ටම පාස් වෙලා.

⚠️ වැදගත් නීතී:

1. කර්තෘ "මම" විය නොහැක: මෙය තමන් වෙනත් කෙනෙක් හෝ වෙනත් දෙයක් නිරීක්ෂණය කර පවසන දෙයක් නිසා, මෙහි කර්තෘ (Subject) 2 වන හෝ 3 වන පුද්ගලයෙක් විය යුතුය. (මම/අපි යොදාගත නොහැක).
❌ 내가 어제 밥을 많이 먹더니 배가 아파요.
✅ 동생이 어제 밥을 많이 먹더니 배가 아프다고 해요.

2. කර්තෘ එකම කෙනෙක් විය යුතුය: වාක්‍යයේ පළමු කොටසේ සහ දෙවන කොටසේ කර්තෘවරුන් දෙදෙනෙකු සිටිය නොහැක.
❌ 수진 씨가 밥을 먹더니 제니 씨가 잤어요.

V-도록 하다

මෙම ව්‍යාකරණ රටාව ප්‍රධාන වශයෙන් භාවිතා කරන්නේ යම් දෙයක් "අනිවාර්යයෙන්ම කරනවා කියා පොරොන්දු වීමට (වගබලා ගන්නවා)" හෝ වෙනත් කෙනෙකුට යම් දෙයක් "අනිවාර්යයෙන්ම කරන්න කියා උපදෙස් දීමට" ය. මෙහිදී යම් කාර්යයක් කිරීමට දැඩි උත්සාහයක් ගන්නා බවක් හෝ ඒ පිළිබඳව සැලකිලිමත් වන බවක් අදහස් කෙරේ.
"...කරන්න වගබලා ගන්න / අනිවාර්යයෙන්ම ... කරන්න".

මෙය භාවිතා කළ හැක්කේ ක්‍රියා පද සමඟ පමණි. හල් අකුරක් (받침) තිබුණත් නැතත් ක්‍රියා පදයේ මූලික රූපයට කෙලින්ම -도록 하다 එකතු කිරීම ප්‍රමාණවත් වේ.

• 가다 → 가도록 하다 (යන්න වගබලා ගන්නවා)

• 먹다 → 먹도록 하다 (කන්න වගබලා ගන්නවා)

මෙම රටාව වාක්‍යය අවසානයේ යෙදෙන ආකාරය අනුව අදහස වෙනස් වේ.

1. උපදෙස් හෝ අණ දීම
අනෙක් පුද්ගලයාට "මේ දේ අනිවාර්යයෙන්ම කරන්න" කියා ආචාරශීලීව නමුත් ස්ථිරව උපදෙස් දෙන විට.
• 내일까지 이 보고서를 다 읽도록 하세요.
හෙට වෙනකල් මේ රිපෝට් එක සම්පූර්ණයෙන්ම කියවන්න වගබලා ගන්න (අනිවාර්යයෙන් කියවන්න).

2. තමන්ගේ පොරොන්දුවක් ප්‍රකාශ කිරීම
කතා කරන පුද්ගලයා "මම අනිවාර්යයෙන්ම මේ දේ කරන්නම්" කියා (විශේෂයෙන් රැකියා ස්ථානවල හෝ විධිමත් අවස්ථාවල) පොරොන්දු වන විට.
• 앞으로는 더 열심히 공부하도록 하겠습니다.
ඉදිරියට තවත් මහන්සි වෙලා පාඩම් කරන්න මම වගබලා ගන්නම්.

3. "නොකර ඉන්න වගබලා ගන්න"
යම් දෙයක් වැරදීමකින් හෝ සිදු නොවීමට වගබලා ගන්න යැයි කීමට අවශ්‍ය නම්, -지 않도록 하다 භාවිතා කරයි. මෙය ඉතා වැදගත් සහ බහුලව යෙදෙන රටාවකි.
• 감기에 걸리지 않도록 따뜻하게 입으세요.
හෙම්බිරිස්සාව හැදෙන්නේ නැති වෙන්න (නොහැදෙන්න වගබලා ගන්න) උණුසුම්ව අඳින්න.

පැවරුම්

다음 빈칸에 알맞은 것을 고르십시오.

1. 아침에 우산을 ________ 비가 안 와서 다시 집에 두고 왔어요.

① 챙겼다가

② 챙기는데도

③ 챙기더니

④ 챙기도록 해서

2. 약속 시간이 ________ 아직 친구가 도착하지 않았어요.

① 지났는데도

② 지났더니

③ 지나도록 해서

④ 지났다가

3. 어제는 날씨가 아주 ________ 오늘은 갑자기 추워졌네요.

① 따뜻하더니

② 따뜻한데도

③ 따뜻했다가

④ 따뜻하도록 해서

4. 감기가 심한 것 같으니 오늘은 집에서 푹 ________.

① 쉬도록 하세요

② 쉬었더니

③ 쉬는데도

④ 쉬었다가 하세요

5. 주말________ 백화점에 사람이 별로 없어서 쇼핑하기 편했어요.

① 인데도

② 이더니

③ 이었다가

④ 이도록 해서

6. 민수 씨가 열심히 ________ 이번 시험에서 1등을 했어요.

① 공부하도록 해서

② 공부하는데도

③ 공부했다가

④ 공부하더니

SL-NOTEBOOK

Author: L.C. Sankalpa Lokuliyanage.
Pursuing Masters in Kyungpook National University, South Korea.

🇰🇷 Learn Korean 💻 Technology ✈️ Travel 🍜 Food & Culture